Fau-ti rapela un còp encaro, au risc de lassa aquéli que li counèisson, lis ourigino de la tradicioun felibrenco e meridionalo de Sceaux ? Ò, noun sarié que pèr lis arribant nouvèu que se demandon bèn ço que fan, « dins lou bèu jardin à coustat de la gleiso », aquéli onze buste que li quàuqui mot grava sus si stèlo soun trop sibelin pèr servi d’esplicacioun.

Se Sceaux es souvènt tengudo pèr uno meno d’enclavo meridionalo en Île-de-France, es que nosto vilo counèis en efèt uno tradicioun gaire coumuno, nascuda de la descuberto que Pau Arène e d’àutri membre de la soucieta amicalisto meridionalo « La Cigalo » i faguèron, en 1878, de la toumbo de Florian*, fabulisto, roumançan e autor dramatic de la segoundo mita dóu XVIIIe siècle.

Ouriginàri dóu Lengadò, Florian avié situa l’accioun de soun rouman pastourau Estello sus li ribo dóu Gardoun e avié enriqui aquel obro en francés d’uno cansoun en « lengadoucian ». Au XIXe siècle, aquò i vauguè d’èstre tengu pèr un precursour de soun acioun pèr li tenènt de la renaissènço de la lengo d’oc, entre li quau figuravon en proumié li membre dóu Felibrige, mouvemen literàri founda en 1854 pèr Frederi Mistral e quàuqui ami, pèr defendre e proumòure la « lengo dóu Miejour » que lou centralisme avié meso en dangié.

Es dins lou souveni de Florian que li « Cigalié » e li « Felibre » an establi — e mantengu — emé lou supòrt dóu conse e de la municipalita, l’us de teni à Sceaux chasque annado, à la fin dóu printèms o au coumencemen de l’estiéu, de fèsto que, mai d’un còp, an èste presidado pèr de persounalita eminenço, coume Frederi Mistral (pèr dous còp), lou pouèto rouman Vasile Alecsandri, Émile Zola, Anatole France o, mai proche de nautre, André Chamson, Hervé Bazin… Es tambèn dins aquel encastre que soun esta erigi au fiéu dóu tèms li buste evouca mai aut, à la memòri di Felibre li mai renouma. Dins lou meme esperit, se tenon regulieramen, à l’entour de la lengo d’oc, de counferènci o de rescontre istouri e literàri. Enfin, tóuti li set an, soun ourganisa de jo flourau. Dins un registre mai poupulàri, la tradicioun a tambèn douna neissènço, i’a quaranto-un an, à la Fiero ai santoun e crècho de Prouvènço e, i’a vint-e-sieis an, au Marchat de Prouvènço.

• Jan-Pèire de Claris de Florian es nascu en 1755 à Sauve (Gard) e mort en 1794 à Sceaux, ounte passè uno bono partido de sa courteto vido, à la court dóu duc de Penthièvre.

Fau-ti rapela encaro un còp, au risc de lassa aquéli que li counèisson, lis ourigino de la tradicioun felibrenco e meridionalo de Sceaux ? Ò, noun sarié que pèr lis arribant nouvèu que se demandon ço que fan, « dins lou bèu jardin à coustat de la gleiso », aquéli onze buste que li quàuqui mot grava sus si stèlo soun trop escurs pèr n’en douna uno esplicacioun.

Se Sceaux es souvènt visto coume uno meno d’enclavo meridionalo en Île-de-France, es que nosto vilo a en efèt uno tradicioun gaire coumuno. Nais en 1878, quand Pau Arène e d’àutri membre de la soucieta meridionalo « La Cigalo » i descubriguèron la toumbo de Florian*, fabulisto, roumançan e autor dramatic de la segoundo mita dóu XVIIIe siècle.

Ouriginàri dóu Lengadò, Florian avié situa l’accioun de soun rouman pastourau Estello sus li ribo dóu Gardoun, e avié ajusta à soun obro en francés uno cansoun en « lengadoucian ». Au XIXe siècle, aquò i vauguè d’èstre vist coume un precursour pèr li partisa de la renaissènço de la lengo d’oc, en tèsto di quau se trobavon li Felibre, mouvemen literàri fonda en 1854 pèr Frederi Mistral e quàuqui ami, pèr defendre e faire viéure la « lengo dóu Miejour », menaçado pèr lou centralisme.

Es pèr ounoura Florian que li « Cigalié » e li « Felibre » an mes en plaço — e gardon — emé lou sosten dóu conse e de la municipalita, la tradicioun de faire à Sceaux, chasque annado, à la fin dóu printèms o au deban de l’estiéu, de fèsto. Aquéli manifestacioun an souvènt èste presidado pèr de persounalita de proumié plan, coume Frederi Mistral (dous còp), lou pouèto rouman Vasile Alecsandri, Émile Zola, Anatole France o, mai proche de nautre, André Chamson e Hervé Bazin. Es tambèn dins aquel encastre que soun esta erigi, pau à cha pau, li buste evouca mai aut, en memòri di Felibre li mai couneigu.

Dins lou meme esperit, se tenon regulieramen, à l’entour de la lengo d’oc, de counferènci e de rescontre istouri e literàri. Enfin, tóuti li set an, soun ourganisa de Jo flourau. Dins un registre mai poupulàri, la tradicioun a tambèn douna neissènço, i’a quaranto-un an, à la Fiero ai santoun e crècho de Prouvènço, e, i’a vint-e-sieis an, au Marchat de Prouvènço.

• Jan-Pèire de Claris de Florian es nascu en 1755 à Sauve (Gard) e mort en 1794 à Sceaux, ounte passè uno bono partido de sa vido, à la court dóu duc de Penthièvre.